Në INTERSIG VIG besojmë se sigurimi ka të bëjë me ndërtimin e besimit dhe qëndrueshmërisë në afat të gjatë. Si pjesë e Vienna Insurance Group, ne mbështesim një model biznesi që kombinon performancën ekonomike me përgjegjësinë ndaj klientëve, punonjësve, shoqërisë dhe mjedisit.
Qëndrueshmëria nuk është një iniciativë e veçantë, por një pjesë integrale e mënyrës se si marrim vendime dhe zhvillojmë aktivitetin tonë.
Për ne, qëndrueshmëria nënkupton krijimin e vlerës sot pa kompromentuar mundësitë e brezave të ardhshëm.
Në përputhje me politikat e Vienna Insurance Group, angazhimi ynë mbështetet në katër parime themelore:
Këto parime udhëheqin mënyrën se si zhvillojmë aktivitetin tonë dhe ndërtojmë marrëdhënie të qëndrueshme me të gjitha palët e interesit.
Qëndrueshmëria
në Intersig
Ndërtojmë mardhënie të bazuara në besim, transparencë dhe mbështetje afatgjatë, duke ofruar produkte dhe shërbime që ndihmojnë individët dhe bizneset të përballojnë rreziqet e së ardhmes.
Promovojmë një kulturë pune gjithëpërfshirëse, ku respektohen diversiteti, zhvillimi profesional dhe mirëqenia e skuadrës tonë.
Kontribuojmë në komunitetet ku operojmë përmes iniciativave që promovojnë përgjegjësinë sociale, edukimin dhe ndërgjegjësimin mbi riskun.
Punojmë vazhdimisht për të përmirësuar efikasitetin e proceseve tona dhe për të përdorur burimet në mënyrë të përgjegjshme.
Nëpërmjet aktivitetit tonë kryesor ndihmojmë individët dhe bizneset të menaxhojnë rreziqet dhe të ndërtojnë rezistencë përballë sfidave të së ardhmes.
Si pjesë e Vienna Insurance Group, mbështesim një qasje të përgjegjshme ndaj investimeve, në përputhje me politikat dhe standardet e Grupit.
Intersig është pjesë e Vienna Insurance Group, grupi lider i sigurimeve në Evropën Qendrore dhe Lindore, me mbi 50 kompani sigurimi në 30 vende.
Programi i Qëndrueshmërisë i Vienna Insurance Group është një nga programet strategjike EVOLVE28 dhe udhëheq mënyrën se si Grupi krijon vlerë afatgjatë për klientët, punonjësit, investitorët dhe shoqërinë.
Si pjesë e Vienna Insurance Group, Intersig zbaton Programin e Qëndrueshmërisë të Grupit dhe merr pjesë aktive në iniciativat dhe proceset e tij të qeverisjes në fushën e qëndrueshmërisë.
Në përputhje me strukturën e Grupit, Intersig ka një përfaqësues të dedikuar për koordinimin e çështjeve të qëndrueshmërisë, i cili siguron zbatimin e kërkesave dhe standardeve të VIG në nivel lokal.
Intersig kontribuon gjithashtu në proceset e raportimit të qëndrueshmërisë të Grupit, duke mbështetur përgatitjen e raportimeve periodike, zbatimin e Programit të Qëndrueshmërisë dhe monitorimin e progresit në përputhje me strategjinë e Vienna Insurance Group.
Përfaqësuesit e kompanisë marrin pjesë rregullisht në trajnimet, workshop-et, konferencat dhe takimet e organizuara nga Vienna Insurance Group, duke ndjekur zhvillimet më të fundit në fushën e ESG, standardet ESRS dhe kërkesat rregullatore.
Aktivitetet e Komunitetit Të Qëndrueshmërisë së Grupit VIG
Për transparencë dhe informacion të detajuar mbi qasjen dhe rezultatet e Vienna Insurance Group në fushën e qëndrueshmërisë, mund të referoheni tek publikimet zyrtare të Grupit VIG.
