INTERSIG Vienna Insurance Group sh.a. ushtron veprimtarinë e saj në përputhje me legjislacionin në fuqi të Republikës së Shqipërisë, duke respektuar standardet rregullatore dhe kërkesat e përcaktuara nga autoritetet kompetente.
Veprimtaria e shoqërisë INTERSIG Vienna Insurance Group sh.a. mbështetet në mënyrë të veçantë në Ligjin nr. 52/2014 “Për veprimtarinë e sigurimit dhe risigurimit”, i cili përcakton kuadrin e përgjithshëm për licencimin, organizimin, administrimin, mbikëqyrjen, kërkesat e kapitalit dhe menaxhimin e riskut të shoqërive të sigurimit dhe risigurimit.
Gjithashtu, veprimtaria jonë rregullohet nga Ligji nr. 32/2021 “Për sigurimin e detyrueshëm në sektorin e transportit”, i cili përcakton rregullat për sigurimet e detyrueshme në këtë sektor, procedurat e dëmshpërblimit dhe mbrojtjen e të drejtave të palëve të dëmtuara.
Këto dy akte përbëjnë bazën kryesore ligjore mbi të cilën ushtrohet veprimtaria e sigurimeve në Republikën e Shqipërisë. Në këtë seksion janë publikuar aktet ligjore dhe rregullatore kryesore që lidhen me veprimtarinë e sigurimeve dhe që përbëjnë bazën e funksionimit të shoqërisë.
Ligj nr. 32/2021 “Për sigurimin e detyrueshëm në sektorin e transportit”
Ligj nr. 52/2014 “Për veprimtarinë e sigurimit dhe risigurimit”
Për transparencë dhe akses të drejtpërdrejtë në legjislacionin përkatës, individët dhe subjektet e interesuara mund të konsultojnë bazën ligjore të sektorit të sigurimeve në faqen zyrtare të Autoritetit të Mbikëqyrjes Financiare (AMF):
Klikoni këtu për legjislacionin e plotë: https://amf.gov.al/legjislacioni/
